Jo shumë rozë, jo shumë kafe. Jo shumë e ftohtë, por as shumë e ngrohtë. Në TikTok, kërkimi për “lip combo”-n perfekte, atë nuancë neutrale por të përcaktuar që i shkon të gjithëve, është në kulm. Rezultati ideal? Një ekuilibër i hollë mes bezhës, rozës dhe kafesë, ai nude që i ngjan ngjyrës natyrale të buzëve, por e bën më të bukur, më të rafinuar.
Magjia e këtij trendi qëndron edhe te fakti që është i arritshëm: nuk ke nevojë për produkte të reja, por për kombinimin e duhur. Një laps pak më i errët për kontur, një buzëkuq që e ftoh pak tonin, një shtresë e lehtë gloss-i në qendër për volum. TikTok është kthyer në laboratorin ideal, ku në kohë reale njerëzit testojnë lip combo virale dhe tregojnë si ndryshojnë nuancat në lëkura të ndryshme, duke përqafuar idenë e një nude-i të personalizuar.
Nuk është rastësi që gjithnjë e më shumë marka po nxjerrin produkte buzësh të menduara për t’u kombinuar, shtresuar dhe miksuar lirshëm. Nuk ekziston një nude universal, por një ekuilibër personal që secili mund ta ndërtojë me pak hapa.
Ka nga ata që betohen për Charlotte Tilbury Pillow Talk, Almost Lipstick të Clinique, Lip Power të Armani Beauty apo lapsat e buzëve të Make Up For Ever. Lip combo të shkëlqyera ofrojnë edhe Dolce&Gabbana Beauty me My Lip Overliner, My Comfy Matte dhe Oil Lip Plumper, si edhe YSL Beauty me LOVESHINE Plumping Lip Oil Gloss dhe LOVESHINE. Po ashtu Audrer, me lapsat dhe balsamët e saj për buzë që po bëhen virale në rrjete sociale, dhe Lip Contour Lip Stain të Huda Beauty. Zgjedhja është e juaja!
