Kim Kardashian pranon se ndonjëherë ndihet sikur “i këputet filmi” nga dinamika e vështirë e bashkëprindërimit me Kanye West.
Në episodin e kësaj jave të “The Kardashians”, Kim, 45 vjeç, u tregua e sinqertë për situatën gjatë një udhëtimi me makinë me ish-kunatin e saj, Scott Disick.
“Më vjen keq për gjithçka po kalon. Duket shumë stresuese,” i tha Disick, i cili ka tre fëmijë me motrën e Kim-it, Kourtney Kardashian.
“Shikoj ca gjëra [online] dhe them: ‘F—k’,” vazhdoi ai, duke e shtyrë Kim-in të pranonte se është “e vështirë”.
Ajo i tregoi Disick se sa “frustruese” është kur Kanye vë në dyshim “karakterin e saj si nënë”, duke zbuluar: “Ndonjëherë ndihem sikur dua të shpërthej, por s’mundem. Thjesht s’mundem.”
Kim po ashtu tha se reperi kontrovers, 48 vjeç, “nuk ka marrë asnjëherë në telefon”, pavarësisht përpjekjeve të saj për të “inkurajuar një marrëdhënie të shëndetshme” mes tij dhe fëmijëve të tyre.
Në një moment tjetër, në rrëfimin para kamerës, një producent jashtë skene vuri në dukje se “ish-i i saj është shumë i zhurmshëm”, dhe Kim u përgjigj: “Nuk mund të përfshihem vërtet. Mendoj se kështu është më mirë.”
Ajo theksoi se “fokusi dhe puna” e saj e vetme është të jetë “e fortë” për vajzat North, 12 vjeç, dhe Chicago, 7 vjeç, si edhe për djemtë Saint, 9 vjeç, dhe Psalm, 6 vjeç.
