E dimë tashmë: fiziku i Victoria Beckham është një nga më të vëzhguarit në botë dhe kjo nuk ka qenë gjithmonë gjë e mirë, siç tregon ajo vetë në dokumentarin e Netflix, ku flet për periudhat shumë të errëta të marrëdhënies së saj me ushqimin dhe trupin. Megjithatë sot situata duket, për fat të mirë, shumë më e balancuar dhe ajo ka pranuar se ajo që ka më shumë rëndësi është të ndihesh mirë me veten, të gjesh ekuilibrin tënd personal dhe t’i qëndrosh besnike mënyrës tënde të të qenit.

Të gjitha përpjekjet që bën sot në ushqyerje dhe aktivitet fizik kanë një qëllim të vetëm: të ndihet e shëndetshme dhe të arrijë mirëqenien maksimale të mundshme. Po çfarë ha realisht Victoria Beckham? Nga intervistat dhe postimet në Instagram, kemi shumë të dhëna për mënyrën e saj të të ushqyerit. Le t’i hedhim një sy ideve më interesante prej nga mund të frymëzohemi edhe ne.

Zakonet e Victoria Beckham para mëngjesit
Nga “stories” në Instagram kuptohet se për Victoria Beckham nuk ka mënyrë më të mirë për të nisur ditën sesa me dy lugë uthull molle. Ajo që në pamje të parë duket si një zakon pak i çuditshëm, në fakt është një suport i mirë për organizmin: uthulla e mollës ka veti anti–inflamatore, ndihmon të kufizohet ndjesia e fryrjes dhe stimulon metabolizmin.

Ylli ka edhe një “aset” tjetër të vogël në mëngjes: ujë të ngrohtë me limon. Kjo pije, sidomos nëse përgatitet me limon bio, ka efekt detoksifikues dhe remineralizues, pa harruar se lehtëson tretjen.

Çfarë ha Victoria Beckham në mëngjes
Victoria Beckham pi zakonisht një kafe të mirë në mëngjes, për një dozë energjie. Por cila është mëngjesi i saj tipik?Zakonisht zgjedh qumësht bajamesh me shtim frutash pylli dhe farash chia. Këto të fundit janë një burim i rëndësishëm:

i vitaminës C,
i Omega-3,
i antioksidantëve,
dhe i kaliumit.
Një kombinim ideal për këdo që dëshiron më shumë energji dhe të mbajë trupin aktiv, të ri dhe në formë.

Smoothie dhe lëngje të shtrydhura: një tjetër sekret i saj
Përveç mëngjesit me bazë qumështi vegjetal dhe fara, Victoria është shumë e dhënë pas centrifugave/lëngjeve të shtrydhura me fruta.

Ndër përbërësit që përdor më shpesh janë:

molla,
kivi,
limoni.
Natyrisht, këto lëngje mund të përgatiten me çdo frut të preferuar dhe madje edhe me perime – një mënyrë praktike për të marrë vitamina dhe minerale që në fillim të ditës.

Menuja e Victoria Beckham: çfarë zgjedh përgjithësisht në pjatë
Nuk dimë në detaj çdo recetë që Victoria sjell në tavolinë çdo ditë, por nga intervistat dhe Instagram-i i saj njihemi mirë me disa nga përbërësit që përdor më shpesh.

Një vend të veçantë zë avokadoja, e pasur me:

yndyrna mono–të-pangopura (të mira për zemrën),
vitaminë E,
antioksidantë.
Një frut i shëndetshëm, që përveç tjerash ndihmon të jetë më e bukur lëkura dhe flokët.

Një tjetër ushqim i pandashëm është peshku, veçanërisht salmone, që Victoria e konsumon shpesh, zakonisht i pjekur në zgarë, pa shtuar vaj ose gjalpë. 

Ish–Spice Girl është shumë e dhënë pas perimeve, që pothuajse gjithmonë shoqërojnë pjatat e saj me peshk:
– brokoli,
– spinaq,
– dhe çdo perime tjetër sezoni.

Për ta kompletuar shijen, preferon disa pika uthull balsamike.

Si i gatuan: rëndësia e metodës së gatimit
Victoria i kushton shumë rëndësi jo vetëm çfarë ha, por edhe si e gatuan.

Për perimet, ajo zgjedh kryesisht: gatimin me avull,
sepse:

jep pjata të lehta,
ruan një shije të butë,
dhe i mbron sa më shumë vlerat ushqyese.

Në pjatë shpesh shton:

bukë integrale,
ose, në alternativa të tjera,
bishtajore si bizele dhe fasule.

Stili i saj i të ushqyerit i lehtë, i pastër, i menduar është në përputhje me imazhin që Victoria jep sot: një grua që kujdeset për veten, e di çfarë i bën mirë trupit dhe mendjes, dhe ka gjetur një ekuilibër mes estetikës dhe shëndetit.