Hailey Bieber e ka ndryshuar prerjen e flokëve pikërisht në kohën ideale, në prag festash dhe me Vitin e Ri përpara, duke propozuar një stil të ri që të jep menjëherë një ndjesi freskie dhe rinie në çdo moshë. Prerja e saj e re quhet clavicle bob (bob në lartësinë e klavikulës) dhe duket se është gati të kthehet në një nga trendet më të kërkuara të 2026-ës.
Hailey, një nga figurat më influente të momentit, ka hequr dorë nga gjatësia XL dhe është rikthyer te një long bob, duke treguar edhe një herë se “me klasikët nuk gabon”.
Autorja e këtij transformimi është hairstylist-ja Justine Marjan, e cila ka postuar në Instagram një foto të themelueses së Rhode me një prerje që arrin në lartësinë e klavikulës, me shtresa të padukshme (invisible layers) dhe maja të stilizuara pak nga jashtë e lart, detaj që po i shtyn shumë vajza (nga Gen Alpha te Boomer) të kërkojnë të njëjtën prerje.
Kjo gjatësi është tashmë shumë e kërkuar te parukierët, por pikërisht sepse është inkluzive dhe “demokratike”, parashikohet të jetë ndër prerjet më popullore të vitit 2026.
4 arsye pse “clavicle bob” i shkon çdo moshe
1) Zbut tiparet e fytyrës
Sidomos kur ka teksturë dhe një efekt pak “natural”, ky bob i jep fytyrës më shumë butësi dhe harmoni.
2) Lejon shumë stilime (pa të kufizuar)
Nuk je e detyruar ta mbash gjithmonë të lëshuar: flokët ende mund t’i lidhësh në topuz ose bisht, pa u ndjerë “shumë shkurt”.
3) Përshtatet me çdo tip floku dhe çdo formë fytyre
Mund të kombinohet me balluke klasike, me kaçurrel anësor për efekt më “rinor”, ose me gjatësira të hapura dhe shkallëzime të padukshme për më shumë teksturë. Mund të shkojë edhe drejt një varianti më të lehtë si butterfly haircut (“prerja flutur”), më e shkurtër dhe më e lëvizshme.
4) Maksimum versatiliteti: i drejtë, me teksturë, kaçurrel, me volum
Mund ta mbash të drejtë, të valëzuar, me teksturë, ose kaçurrel me volum. I shkon si flokut të hollë, ashtu edhe atij më të trashë një prerje që funksionon realisht në shumë raste.
Në pak fjalë: clavicle bob është ai ndryshimi i vogël që duket “fresh” menjëherë, pa rrezikuar të pendohesh dhe ndoshta pikërisht për këtë do të jetë prerja më e kërkuar e 2026-ës.
