Irina Shayk dhe Bradley Cooper u ndanë në qershor 2019, pas katër vitesh lidhje, por i bashkon ende vajza e tyre, Lea de Seine, e lindur në mars 2017. Në një intervistë të re për People, Irina tregon se prioriteti i tyre është ta rrisin Lean “në një familje të dashur”, sepse sipas saj kjo është gjëja më e mirë që mund t’i japësh një fëmije.
Ajo shpjegon se po bëjnë gjithçka që vajza të jetë e qetë dhe e mbrojtur, madje ka pothuajse zero akses në botën digjitale. Për Irinën dhe Bradley-n, më e rëndësishme është që Lea të fokusohet te gjërat reale: të krijojë komunitet, të bëjë miq dhe të marrë dashuri.
Irina ka folur edhe më parë për bashkëprindërimin, një term që thotë se nuk e pëlqen: kur është me Lean, ajo është nënë 100%, dhe kur Lea është me të atin, ai është baba 100%. Që në 2021 ajo e kishte quajtur Cooper-in “një baba fantastik”, ndërsa në 2023 tregoi se të dy i mësojnë vajzës sa e rëndësishme është mirësia: çdo herë para se ta çojnë në shkollë, i përsërisin të sillet me të tjerët me dashamirësi, sepse “njerëzit e mirë kanë një bukuri që shkon përtej sipërfaqes”.
Shayk shton se, pavarësisht angazhimeve të punës, nuk e delegojnë kurrë rolin e prindit: “E marrim Lean me vete kudo. Gjithmonë gjejmë një mënyrë.”
Nga ana e tij, Bradley flet rrallë publikisht për vajzën, por në 2022, në një podcast, tha se të bëhej baba i ka ndryshuar gjithçka: i ka rritur vetëbesimin dhe i ka dhënë jetës “një dritë tjetër”, duke theksuar se asnjë sukses profesional nuk krahasohet me kohën e kaluar me të bijën.
