Pas javësh të tëra spekulimesh, aludimesh dhe diskutimesh në rrjetet sociale, duket se historia mes Mateos dhe Brikenës ka marrë një kthesë të re.
Dyshja, e cila kohët e fundit ishte përfolur për një ndarje, ka zgjedhur të flasë jo me deklarata, por me veprime. Dhe për fansat e tyre, sinjalet duken më të qarta se kurrë.
Mbrëmjen e së dielës, gjatë transmetimit të “Top Arena”, Mateo dhe Brikena rrëmbyen vëmendjen e publikut me një moment romantik në skenë. Nën tingujt e këngës “Të dua”, interpretuar nga Bubulina dhe Blondi, ata vallëzuan së bashku, duke shkëmbyer buzëqeshje dhe përqafime që u komentuan gjerësisht në rrjet.
Por duket se surpriza nuk mbaroi aty.
Pak orë më vonë, Mateo publikoi në profilin e tij një fotografi tepër të afërt me Brikenën. Në imazh, të dy shfaqen kokë më kokë, në një moment intim dhe plot ndjenjë. Krahas fotos, ai zgjodhi të vendoste vetëm një zemër të kuqe, një detaj i vogël, por që për ndjekësit mjaftoi për të kuptuar gjithçka.
Menjëherë pas publikimit, komentet dhe reagimet nuk munguan. Shumë fansa e interpretuan postimin si konfirmimin përfundimtar të ribashkimit të tyre, duke i uruar për rikthimin pranë njëri-tjetrit.
Historia e Mateos dhe Brikenës ka qenë ndër më të komentuarat e muajve të fundit. Pas lajmeve për një krizë dhe më pas për një ndarje të mundshme, dyshja duket se ka zgjedhur t'i japë edhe një mundësi marrëdhënies së tyre.
Edhe pse asnjëri prej tyre nuk ka bërë ende një deklaratë të drejtpërdrejtë, fotoja e fundit ka folur më shumë se çdo fjalë, duke lënë të kuptohet se mes tyre jo vetëm që janë shkrirë akujt, por dashuria mund të ketë triumfuar sërish.
