Është vetëm një ditë pas, por akoma me atë emocion. Erik Lloshi dhe partnerja e tij, Romina SabliÄ?, i kanë dhënë fund beqarisë një ditë më parë, në një dasmë e cila mblodhi të afërm e shumë miq të çiftit, personazhe të njohur të skenës shqiptare.
Kolegë këngëtarë të Erikut kënduan për të dhe për të gjithë të ftuarit këngë nga repertori i tyre dhe mbajtën gjallë atmosferën deri në orët e para të mëngjesit. Aurela Gaçe, Olta Boka, Blerina Braka, Vedat Ademi, Mateus Frroku e shumë artistë e miq të këngëtarit të njohur ndezën atmosferën gjatë gjithë mbrëmjes festive në ditën e shënuar të çiftit.
Sot, një ditë pas dasmës, pas disa orësh qetësi, Eriku ka postuar edhe foton e parë identifikuese të një çifti të sapomartuar. Dy duar me unaza…
“Si dita e parë që është, s’qenka keq…” – shkruan Eriku pas kësaj fotoje ku janë të dukshme unazat e martesës. Urimet kanë vërshuar nga të gjithë miqtë dhe fansat e këngëtarit.
Ndërsa në foton e dytë pas unazave, dhëndri ka falënderuar të gjithë ata që ishin pjesëmarrës në gëzimin e tij të madh, si edhe të gjithë miqtë për urimet e përzemërta.
