Duke parë blogere mode, foto të vajzave në rubrikat street fashion, apo vetë editorët e modës së revistave të njohura, zbulon ca detaje stili për të cilat vetë njohësit e çdo tendence do betoheshin që funksionojnë. Mund të zbuloni shumë, por këtu janë vetëm pesë elementaret.
Ngritja e mëngëve të xhaketës
Pse: Nuk ka asgjë më ngacmuese sesa të ngrini dhe të fiksoni në atë pozicion mëngët e xhaketës, ose pulovrës, por të merreni gjithë ditën me mëngët që bien, nuk është aspak moderne.
Si realizohet: Përdor një llastik flokësh ose një llastik prej gome dhe vendose në mes të mëngës në bërryl. Mbidh dhe ngri mëngët në një pikë që nuk të shqetësojnë, duke e përthyer pjesën e fundit. Në fund, fshihe llastikun poshtë një prej rrudhave të mëngës.
Mbështjellja e mëngëve deri mbi bërryl
Pse: Është më pak e çregullt sesa një përthyerje normale mëngësh.
Si realizohet: Palose mëngën më dysh dhe ngrije deri lart te krahu. Palos pjesën e dyfishtë disa herë deri sa të ngelet jashtë vetëm mansheta dhe do fiksohet në mënyrë shumë chic.
Fusni një anë të këmishës në pantallona
Pse: Tregon mesin pa u dukur shumë zyrtare.
Si realizohet: Njërën nga anët e këmishës që ndodhet poshtë kopsës së fundit, fute në pantallona.
Këmisha futet në pantallona vetëm në pjesën përpara
Pse: Zyra përpara, festa prapa.
Si realizohet: Futeni pjesën e përparme të këmishës brenda pantallonave duke lënë gjysmën e pasme jashtë.
Përthyerja e xhinseve
Pse: E përkryer për të treguar takat e holla apo për t’i bërë më të përshtatshme për trupin tënd, xhinset stil boyfriend.
Si realizohet: Palosi xhinset tre ose katër centimetra, pastaj palosi përsëri duke lënë një pjesë të përthyerjes së poshtme të duket dhe kështu arrin papërsosmërinë e përsosur.
