Me siguri të gjithave ju ka ndodhur të mbeteni me minuta të tëra para dollapit për të zgjedhur veshjen e ditës apo veshjen e darkës dhe…. ufff, sa punë e vështirë është, gjithmonë.
Po si e zgjidhin ikonat e modës këtë dilemë të përjetshme femërore sa herë gjenden përpara pasqyrës?
Natyrisht, kur është fjala për Gigi Hadid, ajo shkon në shumë festa e party dhe nuk është e lehtë të jetë në krye të listave si modelja e veshur më bukur.
Në një intervistë për Harper's Bazaar, Gigi tha se sa herë e gjen veten përballë dilemës “nuk di ç’të vesh”, zbaton një këshillë nga Carine Roitfeld, kryeredaktorja e modës në Vogue Paris dhe editore mode në ‘Fashion Book’ dhe drejtore e përgjithshme e Harper's Bazaar. Ajo, një herë i ka thënë modeles: "Nëse nuk e di se çfarë të veshësh në një party, vish një palë xhinse, një T-shirt dhe taka dhe…. gati." Hadid e ka ndjekur këshillën e ikonës parisiene 62-vjeçare, dhe, siç shton, "ia ka bërë netët më të thjeshta."
Dhe, pa dyshim, të gjithë bien dakord me këtë. Me një kombinim të thjeshtë si xhinse me T-shirt nuk mund të gabosh.
