Vajzat e kanë kuptuar tashmë: Thjeshtësia është gjithmonë në modë. Nëse do të martohesh në muajin tetor, nëntor, dhjetor të këtij viti dhe në 2020-ën gjithmonë zgjidh thjeshtësinë.

Me kalimin e viteve moda ndryshon dhe vajzat sigurisht që janë të prirura të ndjekin tendencat e reja, edhe sa i përket fustaneve të nusërisë. Prandaj, ndoshta vitet e fundit kanë zgjedhur fustane madhështore, për një ndër ditët më të rëndësishme në jetë. Është e drejta e tyre-çfarëdo që i bën ato të duken dhe të ndihen mirë, është në rregull. Mirëpo, ne ju ofrojmë disa ide për t’u dukur bukur pa e ekzagjeruar. Në fakt, këto ide jua tregojnë më së miri vajzat e famshme shqiptare që u martuan këtë verë.

Jonida Vokshi ishte nusja më minimaliste që kemi parë ndonjëherë në Shqipëri.

Edhe Afrona Dika zgjodhi të ishte një princeshë e thjeshtë, pa ndryshuar shumë ditën që i tha “Po” Bleros.

Ndërkohë në dasmën e dytë, Hailey Baldwin zgjodhi sërish një fustan të thjeshtë saten, me supe të rëna dhe të shkurtër (jo të gjatë, siç janë zakonisht fustanet e nusërisë).

Le të rikthehemi një vit më parë në kohë, më 17 maj, në dasmën e Harry-t dhe Meghan Markle. Dukesha e Sussex i çuditi të gjithë me thjeshtësinë e saj në fustane dhe grim.

Pra, thjeshtësia është në modë këtë vit, prandaj visheni!

 

Lexoni gjithashtu:

Nuset minimaliste që ‘tronditën’ internetin