Receta e kekut perfekt për të shoqëruar çajin e pasdites, nga Mirela Andoni

Është koha e çajit të pasdites dhe me çfarë mund ta shoqëroni më mirë se me një kek të shijshëm? Ky që do t’ju sugjerojmë sot quhet keku i 12 lugëve dhe e sjell për revistën Class, Mirela Andoni.

Ju duhen:

-3 vezë

-sheqer

-vaj

-qumësht

-1 limon

-miell

-fryrës keku

-reçel pjeshke

Mënyra e përgatitjes:

3 vezët i rreh me 12 lugë sheqer, shton 12 lugë vaj, 12 lugë qumësht, 1 limon (lëkurën e grirë imët dhe lëngun). E rreh përsëri, derisa masa të bëhet e njëtrajtshme dhe shton 12 lugë miell dhe 1 fryrës keku. Në fund, shton reçelin e pjeshkës, por vetëm copat, pa lëngun. E hedh në një tavë të veshur me letër dhe e pjek në furrë për 50 minuta, në temperaturë 180 gradë.

Ju bëftë mirë!