Këngëtarja shqiptare Adelina Thaçi bëri të ditur nëpërmjet rrjeteve sociale një muaj më parë se ishte prekur nga Covid-19, edhe pse ishte treguar shumë e kujdesshme. Ajo rrëfeu se kishte qëndruar në shtëpi për 3 muaj, ndërsa muajin e fundit që kishte dalë, ishte gjithë kohën e pajisur me masa mbrojtëse.
Këngëtarja tha se kishte simptoma si: lodhje e trupit, dhimbje të syve, kokës dhe qafës, si dhe temperaturë 37.5. Ajo gjithashtu nuk i kurseu kritikat ndaj atyre që e dinë dhe e fshehin faktin që janë të infektuar.
“Ju lutem mos fshihni që jeni me virus, mos dilni pa masa mbrojtëse, e ju njerëz që e fshihni duhet t’ju vijë turp, e që e di që jeni të shumtë!”, -shkruante ndër të tjera ajo.
Ndërsa dje Adelina ka postuar një foto me të bijat duke u relaksuar në bregdetin e Sarandës.
“Jam e lirë”, -thuhet në një nga hashtagët me të cilët këngëtarja ka shoqëruar foton.
View this post on Instagram
Pas periudhës së vështirë që kaloi, besojmë se Adelina ka për t’i shijuar shumë këto pushime.
Këngëtarja shqiptare preket nga Covid-19: Ju që e fshihni virusin, t’ju vijë turp!
