Pas verës që lamë pas dhe ditëve të nxehta, është koha për rehabilitimin e trupit dhe kileve të marra gjatë këtyre muajve të nxehtë.
Dieta, në raste emergjente, kur shtojmë shumë në peshë, është efikase, por shpeshherë ajo është bërë shkak edhe e çrregullimeve në organizëm. E vërteta është që nuk duhet të harrojmë asnjëherë ushtrimet fizike, palestrën ose vrapin në natyrë.
Për ata që nuk kanë kohë për dy të parat, ka një zgjidhje. Jorge Kruz, një nga gjimnastët më me zë në Amerikë, këshillon në librin e tij “8 minuta në mëngjes”, se vetëm me 8 minuta para se të dilni nga shtëpia dhe me një program të zgjedhur dietologjik, është mëse e mjaftueshme për të humbur kilogramët e tepërt thjesht dhe përgjithmonë.
Gjatë pushimeve të gjithë e teprojmë me ushqimin dhe pijet alkoolike që shoqërojnë mbrëmjet e tejzgjatura të verës. Për vetëm një javë, thuajuni jo pijeve alkoolike, ëmbëlsirave, ushqimeve të skuqura, kripës së tepërt në ushqim dhe limitoni vajin e ullirit.
Këshilla e fundit: Pini të paktën dy litra ujë në ditë.
E HËNË
Mëngjesi: Kos i thjeshtë, kafe ose çaj jeshil .
Paradite: Dy feta ananas
Dreka: Mish pule i pjekur, pa lëkurë, 200 gramë spinaq, sipas dëshirës.
Pasdite: Një petë energjike (janë ushqime proteinike në formën e çokollatës, me drithëra, me çokollatë të zezë dhe me shije të ndryshme, si: mjaltë, qershi, luleshtrydhe etj.)
Darka: Peshk të llojit që dëshironi, me sallatë dhe avokado.
E MARTË
Mëngjesi: Dy feta biskota integrale me marmelatë, kafe ose çaj jeshil.
Paradite: Një petë energjike.
Dreka: Dy vezë dhe sallatë sipas dëshirës
Pasdite: Një lëng portokalli
Darka: Mish viçi, 200 gramë, plus zarzavate
E MËRKURË
Mëngjesi: Kos i thjeshtë, kafe ose çaj jeshil
Paradite: Një fetë shalqi
Drekë: Zarzavate, 60 gramë, dhe sallatë jeshile
Pasdite: Petë energjike
Darka: Levrek (sasia sipas dëshirës) me kungull të njomë të pjekur në skarë.
E ENJTE
Mëngjesi: 40 gramë drithëra integrale, çaj jeshil ose kafe
Paradite: Një petë
Drekë: Salmon në skarë me sallatë jeshile dhe misër
Pasdite: Dy feta ananas
Darka: Djathë i bardhë, 100 gramë, dhe brokoli sipas dëshirës
E PREMTE
Mëngjesi: Drithëra integrale, 40 gramë, çaj jeshil ose kafe
Paradite: Lëng portokalli, përzier me lëng limoni apo qitroje sipas dëshirës
Dreka: Makarona integrale me kimë rrepash, 50 gramë, dhe kopër, 100 gramë
Pasdite: Një petë energjike
Darka: Ton i freskët, 120 gramë, sallatë jeshile dhe selino
E SHTUNË
Mëngjesi: Dy feta biskota integrale me marmelatë, shoqëruar me kafe ose çaj jeshil
Paradite: Një petë energjike
Drekë: Mish pule, gjeli ose lepuri, 200 gramë, shoqëruar me sallatë jeshile
Pasdite: Shalqi
Darka: Peshk, 250 gramë, speca dhe kopër
E DIEL
Mëngjesi: Kos i thjeshtë, kafe ose çaj jeshil
Paradite: Dy feta ananas
Dreka: Salmon në skarë, 200 gramë, sallatë sipas dëshirës dhe avokado
Pasdite: Një petë energjike
Darka: Mish gjeli, 200 gramë, sallatë jeshile me selino
