Marco Gobbetti, i cili udhëhoqi markën e famshme britanike të modës Burberry, do të largohet në fund të këtij viti për t'u kthyer në Itali ku do të kryesojë markën rivale Salvatore Ferragamo.
Burberry (BBRYF) njoftoi dorëheqjen e Gobbetti-t në një deklaratë të hënën, duke bërë që çmimi i aksionit të kompanisë të bierë deri në 8% në Londër.
"Marco, i cili ka udhëhequr transformimin e markës dhe biznesit të Burberry, do të tërhiqet pas gati 5 vjetësh me kompaninë për të marrë një mundësi tjetër që do t'i mundësojë të kthehet në Itali dhe të jetë më pranë familjes së tij," tha Burberry.
Gerry Murphy, kryetari i kompanisë, shtoi se bordi ishte shumë i zhgënjyer nga vendimi i Gobbetti-t, por e kuptoi dëshirën e tij për t'u kthyer në Itali pas gati 20 vjetësh jashtë.
"Me Burberry-n të ri-energjizuar dhe të vendosur në një rrugë drejt rritjes së fortë, unë mendoj se tani është koha e duhur për mua që të tërhiqem," tha Gobbetti.
Në një njoftim të veçantë, Salvatore Ferragamo konfirmoi se Gobbetti do të bëhej CEO i kompanisë sa më shpejt që të lirohet nga detyrimet e tij kontraktuale në Burberry.
Aksionet në Ferragamo përparuan me 0.2% në Milano.
Para se të bashkohej me Burberry-n, Gobbetti punoi 13 vjet në gjigantin francez të mallrave luksoze LVMH (LVMHF), ku ishte CEO i Givenchy dhe Celin.