Kendall Jenner dhe Devin Booker janë ndarë pas dy vitesh lidhje.
Një burim për Entertainment Tonight tha se modelja ndihej sikur ajo dhe ylli i NBA ishin në "rrugë të ndryshme". Burimi shtoi se dyshja kanë pasur diskutime për të ardhmen e tyre, por nuk po funksiononte më.
Një tjetër burim e konfirmoi ndarjen për E! News dhe raportoi se ata ishin ndarë rreth një javë e gjysmë më parë.
Burimi tha për E! se dyshja kaluan shumë bukur bashkë në dasmën e Kourtney Kardashian, por "pasi u kthyen, ata filluan të ndiheshin sikur nuk ishin në linjë dhe kuptuan se kishin stile jetese shumë të ndryshme".
“Ata kanë qenë në kontakt që atëherë dhe kujdesen për njëri-tjetrin,” shtoi burimi i E!.
Jenner dhe Booker filluan të dilnin bashkë në vitin 2020, por e mbajtën të fshehtë romancën për njëfarë kohe. Ata më në fund e bënë publike lidhjen në Ditën e Shën Valentinit 2021, kur Jenner postoi një foto të saj dhe Booker duke u përqafuar në Instagram.
