E hëna e parë e majit është afër, që do të thotë se është koha që të famshmit të ngjiten në shkallët e 'Muzeut Metropolitan të Artit'.
E drejtuar nga Anna Wintour e 'Vogue', 'Met Gala' organizohet në bashkëpunim me 'Institutn e Kostumeve të Muzeut të New York'. E vendosur të mbahet më 6 maj, eventi i këtij viti do të festojë ekspozitën më të fundit të krijuar nga shefi i kuratorit të Institutit të Kostumeve, Andrew Bolton: "Bukuroshet e Fjetura: Rizgjimi i Modës".
Ndërsa ekspozita dhe tema e vitit të kaluar i bënë homazh punës së stilistit të ndjerë Karl Lagerfeld, viti 2024 është padyshim më gjithpërfshirës– dhe për të ftuarit e famshëm, veshja për këtë rast nuk do të jetë aq e thjeshtë sa zhytja në arkivat e një shtëpie specifike të modës.
Më poshtë, lexoni të gjitha detajet për galanë dhe çfarë do të ndodhë të hënën.
Cila është tema e 'Met Gala 2024'?
Në nëntor, Vogue njoftoi se tema e vitit 2024 do të ishte "Bukuroshet e Fjetura: Rizgjimi i Modës", një festë e tekstileve të cilësisë së mirë dhe dezajneve gjatë gjithë viteve.
Ekspozita shoqëruese e 'Institutit të Kostumeve' përmban afërsisht 250 artikuj nga arkivat e muzeut - duke përfshirë 15 pjesë historike të rëndësishme që janë shumë delikate - dhe do të jetë e hapur për publikun nga 10 maji deri më 2 shtator.
Tema dhe ekspozita nënvizojnë rëndësinë e qëndrueshmërisë dhe ruajtjes, duke eksploruar mënyrat në të cilat koha dhe natyra ndikojnë në modë - ashtu edhe në një kuptim më abstrakt.
Cili është kodi i veshjes?
Të ftuarit duhet të vishen gjithmonë me kravatë të bardhë në ballo, por çdo vit, Wintour shton gjithashtu një kod veshjeje më specifike që korrespondon me temën. Për vitin 2024, ajo zgjodhi "Kopshti i kohës", frymëzuar nga tregimi i shkurtër i vitit 1962 nga J.G. Ballard me të njëjtin emër.
Përralla e Ballard-it është për një kont dhe konteshë që jetojnë një jetë luksoze në një vilë të izoluar; përtej mureve të saj, një turmë që po afrohet kërcënon të prishë paqen e tyre, por tërhiqet sa herë që çifti heq një "lule të kohës" magjike nga kopshti i tyre.
Ndërsa koha mbaron dhe kopshti vdes, ushtria zbret në vilë - një koment mbi ciklin e rritjes dhe shkatërrimit të eksploruar në ekspozitën e Institutit të Kostumeve të këtij viti.
Kush e drejton?
Krahas Anna Wintour, Zendaya, Jennifer Lopez, Bad Bunny dhe Chris Hemsworth janë zgjedhur si bashkëkryesues të 'Met Gala 2024'.
Gala është nënshkruar nga marka e modës Loewe – e njohur për dizajnet e saj novatore trompe l’oeil dhe detajet– dhe sponsorizuar nga TikTok.
Kush do të marrë pjesë?
Vogue e mban të fshehtë listën e të ftuarve (përveç bashkëkryesuesve) deri në ditën e gala.
Por në prill, 'Page Six' raportoi se Gisele Bündchen, Rihanna, Kendall Jenner, Olivia Rodrigo, Uma Thurman, Sarah Paulson dhe Cara Delevingne do të jenë të gjitha të pranishëm të hënën në mbrëmje.
Edhe Jeff Bezos dhe Lauren Sánchez po shkojnë në Met ashtu si çifti Alex Soros dhe Huma Abedin që do të bëjnë debutimin e tyre në tapetin e kuq në ballo.
