Një foto paparaci e shkrepur përmes dritares së makinës së Princeshës së Uellsit po shkakton shumë zhurmë. Në imazhet pak të turbullta të Kate Middleton nuk shihet qartë gjithçka, por një detaj bie menjëherë në sy: flokët e princeshës duken dukshëm më të çelët. Në vend të ngjyrës së zakonshme gështenjë, tani ajo shfaqet me një nuancë bjonde mjaltë, me fije të ndritshme që bien mbi supe në onde të buta.
Kur Princesha u rikthye në detyrat mbretërore pas trajtimit me kimioterapi vitin e kaluar, fansat vunë re se ajo gradualisht po i çelësonte flokët muaj pas muaji. Gjatë vizitës shtetërore të presidentit Emmanuel Macron disa javë më parë, Middleton u shfaq me një nuancë “honey bronde” një ton i ngrohtë mes kafenjës dhe bjondes. Në atë kohë pati shumë spekulime nëse bëhej fjalë për një ngjyrosje të re apo thjesht flokët dukeshin më të çelët nga drita e diellit.
Fundjavën që lamë pas, Kate dhe Princi William u fotografuan me fëmijët e tyre pasi kishin marrë pjesë në meshë në kishën Crathie Kirk, pranë Balmoralit. Poshtë kapelës së saj, valët e gjata të flokëve dukeshin më të shndritshme dhe më bjonde se kurrë më parë.
Edhe pse fotot e fundit janë bërë përmes dritares së makinës dhe xhami i errët e bën të vështirë përcaktimin e saktë të ngjyrës, diçka është e sigurt: flokët e Princeshës së Uellsit janë dukshëm më të çelët. Tani mbetet të presim daljen e saj publike të radhës, për të parë qartë nuancën e re bjonde.
