Në kuadër të Javës së Modës në Nju Jork, Uncommon Creative Studio ka sjellë një instalacion unik të quajtur “PAIN”, një makineri “claw” që në dukje ofron si çmim një çantë Hermès Birkin – por që në të vërtetë nuk mund të fitohet.
Ky projekt artistik shërben si metaforë e kulturës së punës së pamëshirshme në Nju Jork, ku suksesi duket gjithmonë afër por mbetet i paarritshëm. Përveç çantës simbolike, vizitorët mund të blejnë artikuj të veçantë si bluza, çanta e aksesorë të vegjël.
Instalacioni do të jetë i hapur për publikun më 13 dhe 14 shtator, në adresën 416 W Broadway, SoHo. “PAIN” sjell një reflektim mbi garën e vazhdueshme, iluzionin e shpërblimit dhe dhimbjen e të jetuarit në një sistem që shpesh është i manipuluar.
