Justin dhe Hailey Bieber festuan të shtunën, më 13 shtator 2025, 7-vjetorin e martesës së tyre, duke ndarë me ndjekësit një pamje të veçantë të familjes së tyre.
Çifti, që ka një djalë, u martua për herë të parë me ceremoni civile në New York më 13 shtator 2018, dhe më pas organizuan një festë më të madhe me mbi 150 të ftuar në Montage Palmetto Bluff, South Carolina.
Për të shënuar përvjetorin e tyre të shtatë, Justin publikoi në Instagram një foto të një panel me 10 rregulla të “Familjes Bieber”.
Pushimi është një formë adhurimi.
Qëndrueshmëri dhe jetë e balancuar.
Cilësi dhe përsosmëri në gjithçka që krijojmë.
Inovacion dhe evolucion i përvojës njerëzore.
Kujdesemi për shëndetin dhe mirëqenien tonë si shprehje dashurie për veten.
Mbështesim qëndrueshmërinë dhe krijimin e produkteve që ndihmojnë njerëzimin.
Duhet të dhurojmë ndjesi frymëzimi për njerëzit.
Ushqejmë bujarinë dhe mirësinë duke dhënë kohë, para dhe respekt për të tjerët.
E shohim jetën si një dhuratë dhe praktikojmë mirënjohje çdo ditë.
Besojmë në dinjitetin dhe vlerën e përjetshme të çdo njeriu.
