Dua Lipa: popstar, princesha e Pilates-it, adhuruesja e librave dhe udhëtarja e botës. Ja pse feed-i i saj na hipnotizon

Profili i saj në Instagram nuk na tërheq vetëm për estetikën e kuruar, bukurinë e saj apo veshjet e përsosura. Ka diçka më shumë. Dua Lipa duket sikur jeton mijëra jetë në një, pa lënë asgjë pas dore: muzikë, libra, udhëtime, sport dhe dashuri.

Dua Lipa (30 vjeç) nuk është vetëm një nga popstarët më të dashura në botë, me hite planetare, performanca ikonike dhe turne të suksesshme.

Duke shfletuar feed-in e saj, del në pah një version edhe më magjepsës i saj: një grua plot interesa, me një agjendë që ushqen trupin, mendjen dhe shpirtin.

Këngëtarja është gjithashtu themeluese e një klubi digjital librash, Service95 Book Club, ku çdo muaj zgjedh një libër për t’u lexuar bashkë me komunitetin. Jo vetëm sugjerime leximi, por edhe intervista ekskluzive me autorët, lista muzikore me tematikë dhe reflektime personale. Ftesa e saj? “Le të lexojmë botën ndryshe.”

Por mes një kapitulli e një tjetri, Dua nuk heq dorë nga pasioni i saj i madh për udhëtimet. Ndryshe nga shumë kolegë që e pranojnë se e shëtisin botën për punë, pa pasur kohë apo privatësi për ta përjetuar vërtet, ajo kërkon eksperienca autentike. Është e njohur për itineraret e saj të personalizuara, duke zbuluar vende, shije dhe kultura lokale.

Këtë verë, për shembull, u pa në rrugicat e Palermos bashkë me partnerin e saj, aktorin Callum Turner, duke u shkrirë mes vendasve me natyralitetin e dikujt që di ta shijojë udhëtimin me të gjitha shqisat. Marrëdhënia e tyre tashmë është zyrtare dhe, edhe pse data ende s’është shpallur, martesa është thjesht çështje kohe.

Ka edhe një shënim romantik që e bën historinë edhe më filmike: duket se shkëndija mes tyre ka lindur pikërisht nga një lexim i përbashkët. Sepse po, mes një turneu botëror, regjistrimeve në studio dhe ndonjë interviste (herë si protagoniste, herë si intervistuese e autorëve), Dua arrin të kultivojë edhe jetën e saj private.

Dhe pastaj është Dua Lipa, princesha e Pilates-it – në fakt, bashkëthemeluese dhe Chief Creative Officer e Frame Fitness. Së fundmi mori pjesë në një event në Nju Jork, ku udhëhoqi dy leksione radhazi të mat pilates. Imagjinoni të stërviteni pranë saj: më shumë se një ushtrim, është një moment për t’u shënuar në kalendar.

Dua Lipa është një prej atyre njerëzve që duket sikur shumëfishojnë kohën dhe e kthejnë çdo gjë në diçka të paharrueshme. Feed-i i saj është dëshmi: ajo ka talentin e rrallë të duket njëkohësisht si një yll me lifestyle të paarritshëm dhe si një komshie afërt, e çiltër dhe e larmishme. Dhe është pikërisht ky miks që e bën gjithçka kaq magnetike.