Kryeministri Edi Rama foli sot në konferencën me gazetarët lidhur me ligjin për lirimin e hapësirave publike.
Rama tha se pas heqjes së çadrave, do të vijohet edhe me heqjen e karrigeve të bizneseve nga trotuaret sipas Rregullores.
Kryeministri tha se edhe për karriget do vendosen vija të kuqe, për t’u caktuar pronarëve të bizneseve se sa përqind të trotuarit do të përdorin për aktivitetin e tyre.
"Karriget,disiplinimi karrigeve do të bëhet me rregulloren. Edhe për karriget që paskan qenë të pafundme tu japim mundësi të gjithë atyre që kanë aktivitete që të mund të ushtrojnë aktivitet edhe jashtë derës, por në një hapësirë të përcaktuar siç e kanë qytetet europiane. Sa përqind e trotuarit të takon dhe dhe sa përqind i takon publikut."
