Që nga përfundimi i martesës me Kanye West, Kim Kardashian nuk ka folur shpesh për babanë e fëmijëve të saj dhe nuk ka komentuar kurrë polemikat që e kanë përfshirë bashkë me gruan e tij të re, Bianca Censori.

Së fundmi, influencerja dhe sipërmarrësja, themeluese e brandit Skims, dha një intervistë të gjatë për podcast-in Call Her Daddy të Alex Cooper, ku u shpreh hapur për të kaluarën dhe për situatën aktuale.

Ndër deklaratat që vunë më shumë re ishte ajo se Kanye nuk i ka parë fëmijët North, Saint, Chicago dhe Psalm për dy muaj. Kim shtoi se nuk është një rast i jashtëzakonshëm:

“Sa herë që ai i thërret ose pyet për ta, shpesh kanë kaluar disa muaj që nga hera e fundit që kemi pasur lajme nga ai. Fatmirësisht, fëmijët nuk jetojnë me trishtim të veçantë këtë situatë. Ata gjithmonë kanë ditur që babai është shpesh në turne ose në udhëtime të tjera, dhe se i pëlqen të jetojë në vende të ndryshme, kështu që e menaxhojmë mjaft mirë.”

Të katër fëmijët jetojnë me nënën, dhe kur u pyet për bashkë-prindërimin me West, Kim u përgjigj se nuk është e lehtë, por se ka gjetur mënyra që fëmijët të ruajnë një marrëdhënie të mirë si me të, ashtu edhe me babanë e tyre. Ajo gjithashtu i mbron nga situata problematike që lidhen me West, duke përfshirë akuzat për presion ndaj gruas së tij dhe sjellje të diskutueshme raciale dhe antisemitike.

Megjithatë, Kim është e vendosur që lidhja mes fëmijëve dhe babait të tyre të mos prishet plotësisht. Ajo mohoi me forcë thashethemet se i kishte penguar West të shihte fëmijët, madje duke i “rrëmbyer” ato.

“Nuk i kam mbajtur kurrë larg ish-it tim. I kam çuar madje edhe në vende të ndryshme me të, si Arabia Saudite, Italia dhe Japonia, kur më kërkoi, nuk i kam mohuar kurrë.”

Përveç menaxhimit të fëmijëve, Kim foli edhe për marrëdhënien e saj personale me reperin, të cilën tani e quan një relacion toksik, i duruar për vite me radhë deri në pikën që nuk ishte më e mundur.

“Në një moment, kur plakesh, nuk mund ta duroj më atë… tani kuptoj shumë gjëra, por për një kohë të gjatë kam qenë e butë sepse kam problem të mbaj mend vetëm gjërat e bukura.”
Divorci mes Kardashian dhe West, të martuar që nga viti 2014, u finalizua në nëntor 2022, pas një kërkese të parë nga Kim në fillim të vitit 2021. Në vitin 2018, West u diagnostikua me çrregullim bipolar, ndërsa në vitin 2016 kishte pasur një hospitalizim emergjent psikik. Gjatë viteve të mëpasshme, ai ka përjetuar episode maniale dhe depresive, gjithmonë të lidhura me këtë çrregullim, duke ndikuar dukshëm në jetën familjare dhe marrëdhënien me Kim.

Kim thekson rëndësinë e largimit nga një marrëdhënie toksike për të mbrojtur veten dhe për të dhënë një shembull pozitiv fëmijëve të saj:

“Duhej të shpëtoja veten për të qenë një nënë më e mirë. Dhe mendoj se kur ata do të rriten, do të jenë në gjendje ta kuptojnë dhe të shohin gjithë këtë.”
Megjithatë, pavarësisht momenteve të vështira, Kim nuk ka pendime për të kaluarën:

“Një marrëdhënie mbi një dekadë me katër fëmijë të mrekullueshëm nuk është një dështim.”