Në vitet e fundit, Evropa ka parë një trend të ri gastronomik që i ka lënë të gjithë pa fjalë: restorantet nën ujë. Ky koncept unik kombinon artin e kuzhinës me botën e nëndetshme, duke ofruar një përvojë që përfshin të gjitha shqisat.
Më i njohuri prej tyre është “Under” në Norvegji, restoranti i parë nënujësor në Evropë. I ndërtuar pesë metra nën sipërfaqen e detit, ai u ofron vizitorëve mundësinë të shijojnë pjata të rafinuara me produkte deti, ndërsa përreth tyre notojnë peshq e krijesa të egra të Atlantikut.
Shefi i kuzhinës, Nicolai Ellitsgaard, e quan këtë “laborator të natyrës” sepse çdo vakt ndërtohet mbi idenë e qëndrueshmërisë dhe respektit ndaj oqeanit. Dritaret panoramike e bëjnë çdo darkë të duket si një skenë filmi, ku deti bëhet pjesë e menuse.
Ky lloj koncepti po frymëzon tashmë edhe vende të tjera, si Franca, Spanja dhe Greqia, të krijojnë hapësira ku arkitektura, gastronomia dhe mjedisi detar ndërthuren në një eksperiencë të vetme.
