Nëse ekziston një vend ku koha ngadalësohet dhe çdo frymëmarrje ndjehet si meditimi më i thellë, ai ndodhet në majën e malit Huoshan, në provincën Yunnan të Kinës. Pikërisht aty është ngritur Muxi Dali Huoshan Hotel, një resort magjepsës që për shumëkënd përfaqëson artin e thjeshtësisë dhe luksit të heshtur.
Hoteli është ndërtuar në një prej peizazheve më mbresëlënëse të Azisë Juglindore, me pamje që shtrihen nga Liqeni Erhai deri tek majat e malit Cangshan. Me vetëm 23 dhoma, Muxi Dali Huoshan Hotel është larg çdo koncepti masiv të turizmit, këtu çdo detaj është krijuar për të ofruar privatësi, paqe dhe lidhje të plotë me natyrën.
Projekti ka marrë plot 12 vjet për t’u përfunduar, dhe kjo kohë ndjehet në çdo gur, çdo dritare dhe çdo formë ndërtimore. Arkitektura e tij kombinon materiale natyrore si gurë lokalë, dru bambuje dhe qelq të pastër, që reflekton dritën dhe horizontin e pafund.
Ndërtuar me filozofinë zen të “balancës midis njeriut dhe natyrës”, resorti duket sikur është pjesë organike e maleve.
Në vend të luksit të zhurmshëm, këtu mbizotëron heshtja, ajri i pastër dhe ritmi i ngadaltë i jetës.
Vizitorët mund të shijojnë ushqim tradicional të Yunnan-it me produkte lokale, të marrin pjesë në seanca yoga e meditimi, ose thjesht të ecin zbathur nëpër kopshtet zen që rrethojnë hotelin.
View this post on Instagram
