4 gabimet më të zakonshme që bëjnë freelancerët, ja si t’i shmangni

Nisja e një biznesi si freelancer sjell shumë përparësi, si liria për të punuar nga ku të doni dhe kur të doni. Nuk është çudi që rreth 45% e fuqisë punëtore është e vetëpunësuar.

Megjithatë, kjo nuk do të thotë se është e lehtë. Herët a vonë, çdo freelancer bën gabime ose përballet me sfida që mund t’i kushtojnë të ardhura dhe qetësi mendore. Kur je njëkohësisht personi që kryen punën dhe ai që menaxhon biznesin, është e lehtë të gabosh. Kjo është normale.
Ja pesë nga gabimet më të zakonshme dhe mënyrat për t’i shmangur.

1. Të nënvlerësosh shërbimet e tua

Ky është një nga gabimet më të shpeshta, sidomos në fillim të karrierës. Nëse vendos çmime shumë të ulëta, rrezikon të fitosh më pak dhe të tërheqësh klientë që vlerësojnë vetëm çmimin, jo cilësinë e punës.Përpara se të vendosësh tarifat: studio çmimet e tregut; shiko sa paguhen freelancerët në të njëjtën fushë; llogarit kohën, përvojën, taksat dhe shpenzimet e biznesit, si abonimet e programeve apo mjeteve të punës. Të gjitha këto ndikojnë në çmimin që duhet të vendosësh.

2. Të punosh pa kontratë

Edhe nëse klienti është dikush që e njeh, mos e anashkalo kontratën. Ajo të mbron në rast se lindin mosmarrëveshje dhe të kursen stres. Një studim i Leapers tregoi se 39.4% e freelancerëve ndihen të stresuar pasi kanë punuar pa kontratë. Një kontratë duhet të përcaktojë qartë: përshkrimin e punës; kushtet e pagesës; numrin e rishikimeve të lejuara dhe mënyrën e komunikimit dhe oraret e kontaktit. Sa më të qarta të jenë pritshmëritë, aq më pak probleme do të keni më vonë.

3. Të thuash "po" kur duhet të thuash "jo"

Në fillim është joshëse të pranosh çdo projekt. Por ndonjëherë, refuzimi është vendimi më i mirë për biznesin tënd. Është më mirë të thuash "jo" kur: klienti kërkon çmime shumë të ulëta ose jep sinjale jo serioze; nuk ke aftësitë e nevojshme për ta realizuar projektin; je i mbingarkuar dhe një projekt i ri do të ndikonte në cilësinë e punës ose në shëndetin tënd. Në raste të tilla, është më mirë ta refuzosh me mirësjellje ose ta vendosësh klientin në listë pritjeje.

4. Të mos vendosësh kufij me klientët

Sipas një sondazhi të Freelancermap, një në tre freelancerë ka vështirësi të ruajë ekuilibrin mes punës dhe jetës personale. Prandaj është e rëndësishme të vendosësh kufij që në fillim. Përcakto: sa shpejt u përgjigjesh mesazheve; si trajtohen kërkesat urgjente; orarin kur je i disponueshëm. Nëse klientët mësohen të të shkruajnë në çdo orë dhe ti u përgjigjesh gjithmonë menjëherë, rrezikon të përfundosh i lodhur.