Bota e kinemasë nuk sjell vetëm famë dhe çmime prestigjioze, por për disa aktorë edhe pasuri marramendëse. Përveç të ardhurave nga filmat, shumë prej tyre kanë ndërtuar perandori biznesi, kanë investuar në prona, kompani dhe marka të ndryshme.
Sipas renditjeve të pasurisë së vlerësuar për vitin 2026, këta janë 10 aktorët më të pasur në botë:
1.Shah Rukh Khan – 1.5 miliardë dollarë
Ylli indian i Bollywood-it kryeson listën, falë karrierës së tij shumëvjeçare në film, investimeve dhe bizneseve jashtë industrisë së argëtimit.
2.Arnold Schwarzenegger – 1.49 miliardë dollarë
Aktori i famshëm i filmave aksion ka ndërtuar pasurinë e tij përmes kinemasë, investimeve në pasuri të paluajtshme dhe karrierës së suksesshme edhe jashtë Hollywood-it.
3.Dwayne “The Rock” Johnson – 1.19 miliardë dollarë
Përveç filmave, Johnson ka krijuar marka të suksesshme dhe ka përfituar nga kontrata të mëdha në industrinë e argëtimit.
4.Tom Cruise – 891 milionë dollarë
Një nga aktorët më të paguar të Hollywood-it, i njohur për filmat "Mission: Impossible" dhe karrierën e tij prej dekadash.
5.George Clooney – 742 milionë dollarë
Përveç aktrimit, Clooney ka fituar shumë nga bizneset dhe investimet e tij.
6.Robert De Niro – 735 milionë dollarë
Legjenda e kinemasë amerikane ka kombinuar suksesin në film me sipërmarrje në sektorin e restoranteve dhe biznese të tjera.
7.Brad Pitt – 594 milionë dollarë
Një prej aktorëve më të kërkuar të brezit të tij, me një karrierë të gjatë në Hollywood dhe projekte të suksesshme filmike.
8.Jack Nicholson – 590 milionë dollarë
Ikona e kinemasë amerikane, me një karrierë që përfshin disa nga filmat më të vlerësuar të historisë së Hollywood-it.
9.Tom Hanks – 571 milionë dollarë
Aktori fitues i çmimeve Oscar ka krijuar një trashëgimi të madhe artistike dhe financiare gjatë dekadave.
10.Jackie Chan – 557 milionë dollarë
Ylli i filmave aksion ka ndërtuar pasurinë e tij përmes filmave, prodhimit kinematografik dhe investimeve.
