Ata janë shumë të njohur. Gerd Vaso është një nga balerinët më të suksesshëm prej gati 20 vitesh tashmë, bashkë me Enada Hoxhën. Ilir Shaqiri është gjithashtu shumë i njohur, për karrierën e tij në televizion në Itali, ku ka edhe një Akademi Danci. Ledian Agallijaj është solist i trupës së baletit në Top Channel dhe një nga balerinët më të njohur të televizioneve shqiptare.
Por pak e dinë që mamatë e tyre, kanë qenë gjithashtu balerina dikur!
Aishe Toto
Mamaja e Gerd Vasos, Aishe Toto, është një nga balerinat e para të Ansamblit të Valleve dhe Teatrit të Operës dhe Baletit dhe Gerd Vaso ka pasur fatin të rritet në atë mjedis që ka qenë që në atë kohë shtëpia e tij e dytë, siç është sot, pa diskutim.
Mukades Erebara
Mamaja e Ilir Shaqirit, ka qenë dhe vazhdon të jetë pedagoge e baletit, dikur në Tiranë dhe sot në Romë, në Akademinë e Ilir Shaqirit.
Domenika Ndreca
Ai është kthyer në një nga balerinët më të pëlqyer në Tiranë, pasi ka studiuar në një nga shkollat e njohura të republikave sovjetike. Por edhe mamaja e tij ka qenë një balerinë shumë e talentuar në Ansamblin e Valleve, duke vazhduar të kërcente deri afër të 50-ave, kur shumë balerina të tjera heqin dorë.
