Varianti i Omicron e ka zhvendosur pandeminë COVID-19 në një fazë të re dhe mund t'i japë fund asaj në Evropë, tha të dielën drejtori i OBSH-së për Evropën.
"Është e besueshme që rajoni po shkon drejt një lloj loje të fundit pandemike," -tha Hans Kluge në një intervistë për AFP, duke shtuar se Omicron mund të infektojë 60% të evropianëve deri në mars.
Sapo vala aktuale e Omicron që aktualisht po përfshin Evropën të pësojë rënie, "do të ketë për disa javë dhe muaj një imunitet global, ose falë vaksinës, ose sepse njerëzit kanë imunitet për shkak të infeksionit".
“Pra, ne parashikojmë që do të ketë një periudhë qetësie përpara se COVID-19 të mund të rikthehet në fund të vitit, por jo domosdoshmërisht që të kthehet pandemia”, tha Kluge.
Varianti Omicron, për të cilin studimet kanë treguar se përgjithësisht çon në infeksion më pak të rëndë sesa varianti Delta, të paktën në mesin e njerëzve të vaksinuar, ka rritur shpresat se COVID-19 ka filluar të kalojë nga një pandemi në një sëmundje endemike më të menaxhueshme si gripi sezonal.
“Ky virus na ka befasuar më shumë se një herë, kështu që duhet të jemi shumë të kujdesshëm”, tha Kluge.
Ndërkohë, pak ditë më parë, kreu i Organizatës Botërore të Shëndetësisë, Dr Tedros Adhanom Ghebreyesus paralajmëroi kundër supozimit se Omicron është dukshëm më i butë dhe ka eliminuar kërcënimin e paraqitur nga virusi (lexoni deklaratën e plotë duke klikuar më poshtë).
Omicron po sjell fundin e pandemisë? Reagon OBSH
