Çifti i famshëm mirëpresin në jetë një djalë. Zbulojnë emrin dhe foton e parë

Sharna Burgess dhe Brian Austin Green janë bërë prindër të një djali!

Profesionistja e "Dancing With the Stars" solli në jetë fëmijën e saj të parë, më 28 qershor.

“Zane Walker Green 28/06/2022 ora 12:12,” shkroi Burgess në një foto në Instagram ku Green shtrëngonte gishtat e të porsalindurit. “Zemra ime tani është përgjithmonë jashtë trupit tim.”

Ardhja e vogëlushit shënon fëmijën e parë për Burgess dhe të pestin për Green.

Aktori ka djemtë Noah, 9 vjeç, Bodhi, 8 vjeç dhe Journey, 5, me ish-bashkëshorten Megan Fox. Ai është gjithashtu baba i Kassius, 20 vjeç, me ish të dashurën Vanessa Marcil.

"Ai është një baba kaq i mrekullueshëm," tha Burgess për Green në një intervistë me Good Morning America në maj. “Një nga gjërat për të cilat u dashurova me të ishte ta shikoja si baba dhe mënyrën si prindëron. Mendova se të ishte kaq e pabesueshme të rrisja një fëmijë me të."

Çifti njoftuan se ishin në pritje të një fëmije gjatë pushimeve të tyre në Maui, në shkurt të këtij viti.