Në qendër të qytetit të Tiranës, Shqipëri, banorët dhe vizitorët mund të ngjiten në një piramidë monumentale që dikur ishte simboli i diktaturës. E rikonstruktuar nga një studio holandeze, MVRDV, Piramida e Tiranës është shndërruar nga një ish-muze i rrënuar kushtuar ish-liderit të vendit (dhe më vonë i përdorur si bazë e NATO-s, ndër të tjera) në një qendër kulturore me kuti shumëngjyrëshe. Është një nga 18 projektet e reja të arkitekturës që Architectural Digest e ka cilësuar si më spektakolarët e vitit përmes listës vjetore "Works of Wonder" ose "WOW" në numrin e shkurtit.
Përmbledhje arkitektonike!
"Përmes ndërhyrjeve të kujdesshme të projektimit, firma holandeze MVRDV ka dëshmuar se nuk është thjesht e mundur të përdoren ndërtesat e vjetra në përdorim të ri, por ta bëjmë këtë me një ndjenjë gëzimi, zgjuarsie dhe argëtimi," Sam Cochran, drejtor i AD.
Çdo vit, lista WOW nxjerr në pah projekte të reja të jashtëzakonshme në mbarë globin, me projektet e paraqitura të këtij viti që vijnë nga pesë kontinente të ndryshme. Shumë nga projektet janë piketa kulturore të projektuara nga disa prej arkitektëve kryesorë të botës, si për shembull Stambolli Modern i rindërtuar, muzeu i parë i artit bashkëkohor i qytetit turk që kishte tejkaluar hapësirën e tij.
View this post on Instagram
