Çifti i përfolur ka bërë publike lidhjen e tyre.
Katy Perry duket se ka konfirmuar lidhjen e saj të re me ish-kryeministrin kanadez Justin Trudeau, pasi të dy u panë duke shkëmbyer një puthje pasionante në bordin e jahtit të saj.
Thashethemet për romancën nisën në korrik, kur këngëtarja dhe ish-politikani u panë duke darkuar bashkë në një restorant luksoz në Montreal, pikërisht në kohën kur Perry nisi turneun e saj botëror me “Lifetime”. Këngëtarja kishte përfunduar së fundmi fejesën me partnerin e saj prej shumë vitesh, Orlando Bloom, me burime që fajësonin “tensionet” pas udhëtimit të Bloom në hapësirë.
Tani, duket se Perry e ka lënë pas atë kapitull dhe ka gjetur lumturinë me Trudeau. Fotot e publikuara nga Daily Mail i tregojnë të dy duke shkëmbyer përqafime dhe puthje në jahtin 24-metërsh të këngëtares, Caravelle, pranë brigjeve të Santa Barbarës, Kaliforni.
Ata dukeshin krejtësisht të qetë ndaj syve të publikut, teksa ndanin momente intime në kuvertën e sipërme të jahtit. Në një moment, Trudeau shihet duke vendosur duart në pjesën e pasme të Perry-t, e cila kishte veshur një rrobë banje të zezë, ndërsa ai ishte pa këmishë, me xhinse.
Edhe pse as Perry dhe as Trudeau nuk kanë komentuar zyrtarisht mbi lidhjen, burime pranë çiftit pohojnë se këngëtarja 40-vjeçare është e mahnitur pas tij.
