Një influencere nga Ekuadori, Yuli Vargas, përjetoi një komplikacion serioz shëndetësor pasi konsumoi sushi. Ajo që në fillim u pa se ishte një helmim i thjeshtë ushqimor, u përkeqësua në salmonelë të rëndë, ethe tifoide, pankreatit dhe inflamacion të tëmthit.
Ajo qëndroi 23 ditë në terapi intensive dhe për më shumë se 12 ditë nuk mundi të ushqehej. Pas një ndërhyrjeje urgjente, Yuli mbijetoi, por u zgjua me paralizë në fytyrë.
Gjatë kësaj periudhe, mjekët patën vështirësi të kontrollonin dhimbjet e forta dhe kolapset e shpeshta fizike.
Muaj më vonë erdhi diagnoza përfundimtare: lupus eritematoz sistemik, një sëmundje autoimune kronike që kishte prekur organet dhe sistemin nervor.
“Mjekët nuk arrinin të gjenin shkakun e saktë”, kujton ajo për atë periudhë të pasigurt.
