Një raport i ri tregon një shifër alarmante në Britaninë e Madhe një person diagnostikohet me kancer çdo 80 sekonda.
Sipas të dhënave, mbi 400 mijë raste të reja regjistrohen çdo vit, duke shënuar një rekord të ri.
Ekspertët thonë se kjo rritje lidhet kryesisht me plakjen e popullsisë, por edhe me faktorë të tjerë si mbipesha dhe mënyra e jetesës.
Raporti thekson se, edhe pse diagnozat po rriten, zbulimi i hershëm dhe përmirësimet në trajtim po ndihmojnë që më shumë pacientë të mbijetojnë dhe të jetojnë më gjatë. Megjithatë, sistemi shëndetësor përballet me presion në rritje për të përballuar numrin e madh të rasteve.
Autoritetet bëjnë thirrje për më shumë ndërgjegjësim, kontrolle të rregullta dhe investime në shëndetësi, për të përballuar këtë trend në rritje.
