Për disa njerëz, objektet kanë më shumë vlerë emocionale sesa materiale.
Një dhuratë e vjetër, një biletë koncerti apo edhe një veshje e ruajtur prej vitesh mund të mbajë kujtime, emocione dhe momente të rëndësishme të jetës.
Psikologët thonë se njerëzit që krijojnë lidhje të forta me sendet shpesh janë më sentimentalë, nostalgjikë dhe emocionalisht të lidhur me përvojat e tyre.
Për ta, objektet nuk janë thjesht gjëra, por simbole të njerëzve, momenteve dhe ndjenjave që nuk duan t’i humbasin.
Këto tipare mund të tregojnë shumë për mënyrën se si ata përjetojnë emocionet dhe ndërtojnë lidhjet me botën përreth.
1. Janë nostalgjikë
Njerëzit nostalgjikë shpesh lidhen emocionalisht me objekte që i rikthejnë në një periudhë tjetër të jetës. Personazhe nga serialet apo filmat, bluza të grupeve muzikore nga adoleshenca, këto sende mund të na rikthejnë në “kohët tona më të mira”. Studimet tregojnë se ndërsa rritemi, mënyra si lidhemi me sendet mund të ndryshojë. Me moshën, nostalgjia mund të shtohet, duke na bërë të ruajmë çdo objekt që na kujton të kaluarën.
2. Janë të ndjeshëm
A ke qenë fëmijë që e mbaje batanijen e bebes më gjatë se zakonisht? Apo ende ke arushin tënd të preferuar? Mund të jesh person më i ndjeshëm.
3. Janë empatikë
Kur mendon për një dhuratë, mendon për përpjekjen dhe sakrificën që dikush ka bërë për ta blerë. Empatia bën që objekti të shihet si një zgjatim i ndjenjave të atij personi. Njerëzit empatikë lexojnë lehtësisht emocionet e të tjerëve dhe shpesh mbajnë lidhje sentimentale me sendet që u janë dhuruar.
4. Kanë stil të pasigurt lidhjeje
Të gjithë kemi një stil lidhjeje që formohet në fëmijëri. Personat me lidhje të pasigurt (si lidhja ankthioze) mund të krijojnë lidhje me objekte që u japin siguri.
