Të flasësh me veten nuk është aspak e çuditshme madje psikologët thonë se mund të jetë shumë e shëndetshme për mendjen dhe emocionet. Shumë njerëz e bëjnë këtë pa e kuptuar, qoftë për të qetësuar veten, për të organizuar mendimet apo për të përballuar stresin.
Sipas specialistëve të shëndetit mendor, mënyra si flasim me veten ndikon drejtpërdrejt në vetëbesim, emocionet dhe marrëdhëniet me të tjerët. Të flasësh me veten mund të ndihmojë në rritjen e vetëvlerësimit, kontrollin e emocioneve dhe uljen e mendimeve negative. Gjithashtu, kjo praktikë të ndihmon të kuptosh më mirë ndjenjat dhe reagimet e tua.
Psikologët theksojnë se vetëbisedimi mund të sjellë edhe më shumë humor dhe pozitivitet në jetën e përditshme, duke të bërë më të butë me veten. Një tjetër përfitim është se krijon më shumë vetëdije dhe të ndihmon të reflektosh mbi mendimet e tua pa turp apo frikë.
Ja 5 arsyet pse ë flasësh me veten nuk është aspak e çuditshme:
1. Rrit vetëvlerësimin
Mënyra si flasim me veten ndikon drejtpërdrejt te besimi dhe vlerësimi që kemi për veten. Vetëbisedimi pozitiv të ndihmon të ndihesh më i sigurt dhe më i fortë emocionalisht.
2. Ndihmon në kontrollin e emocioneve
Të flasësh me veten mund të të qetësojë në momente stresi, ankthi apo zhgënjimi. Psikologët thonë se kjo e ndihmon trurin të përpunojë më mirë emocionet negative.
3. Përmirëson marrëdhëniet me të tjerët
Kur kupton më mirë ndjenjat e tua, komunikon më qartë dhe me më shumë qetësi edhe me njerëzit përreth. Kjo ul konfliktet dhe përmirëson marrëdhëniet sociale.
4. Sjell më shumë humor dhe pozitivitet
Të flasësh me veten mund të të ndihmojë të mos i marrësh gjërat shumë seriozisht. Edhe të qeshësh me veten apo me gabimet e tua mund të ulë stresin dhe tensionin.
5. Të ndihmon të kuptosh më mirë veten
Të flasësh me veten krijon më shumë vetëdije dhe reflektim. Duke i shprehur mendimet me zë, mund të kuptosh më qartë çfarë ndien dhe çfarë të shqetëson vërtet.
