Këto janë 7 frikërat e fshehura të një narcisisti

Narcisizmi shpesh shihet si vetëbesim i tepruar, ego e lartë dhe nevojë e vazhdueshme për vëmendje dhe admirim. Në pamje të parë, narcisistët duken të sigurt në vetvete dhe të pandikuar nga opinionet e të tjerëve. Megjithatë, kjo është vetëm një "fasadë" që fsheh pasiguri të thella dhe frikëra të brendshme.

Pas sjelljeve të tyre kontrolluese, reagimeve të forta emocionale dhe nevojës për të dominuar të tjerët, qëndrojnë edhe frikëra. Më poshtë do të shohim 6 nga frikërat më të zakonshme të një narcisisti.

1. Refuzimi

Refuzimi për ta nuk është thjesht zhgënjim, por një goditje e drejtpërdrejtë ndaj vetëvlerësimit të tyre. Ata shpesh besojnë se duhet të jenë të dëshiruar dhe të pranuar nga të gjithë. Kur refuzohen, mund të reagojnë me zemërim, ftohtësi ose manipulim për të rikthyer kontrollin mbi situatën.

2. Zbulimi i "maskës" së tyre

Shumë narcisistë ndërtojnë një imazh të rremë të vetes si të sigurt, të fortë dhe superior. Në të vërtetë, ata shpesh kanë pasiguri të thella. Frika më e madhe është që të tjerët do ta kuptojnë këtë realitet dhe do shohin “pas maskës”. Kjo është arsyeja pse ata përpiqen të kontrollojnë shumë mënyrën se si i shohin të tjerët.

3. Ndjenja e pavlefshmërisë

Narcisistët kanë nevojë të vazhdueshme për vëmendje dhe admirim, sepse kjo ushqen ndjenjën e tyre të rëndësisë. Kur nuk marrin vëmendjen që duan, mund të ndihen bosh, të pavlerë ose të panevojshëm. Kjo i shtyn shpesh të kërkojnë situata ku janë në qendër të vëmendjes.

4. Humbja e kontrollit

Kontrolli është shumë i rëndësishëm për një narcisist. Ata duan të kontrollojnë situatat, marrëdhëniet dhe shpesh edhe njerëzit përreth tyre. Humbja e kontrollit i bën të ndihen të pasigurt dhe të pambrojtur, prandaj shpesh reagojnë me zemërim ose sjellje manipuluese kur ndiejnë se po e humbin atë.

5. Plakja

Plakja për ta lidhet me humbjen e bukurisë, energjisë dhe vëmendjes nga të tjerët. Meqë shumë narcisistë e lidhin vetëvlerësimin me pamjen e jashtme ose fuqinë sociale, kalimi i kohës mund të jetë një burim i madh ankthi dhe frike.

6. Varësia nga të tjerët

Narcisistët përpiqen të duken të pavarur dhe të fortë, dhe ideja e varësisë nga dikush tjetër i bën të ndihen të dobët. Edhe kur kanë nevojë për ndihmë, shpesh e mohojnë ose e fshehin, sepse e shohin si kërcënim për imazhin e tyre.