Pas divorcit me Brad Pitt, aktorja Angelina Jolie ka rrëfyer se tani më në fund ndihet më e fortë dhe më e qetë. Një nga çiftet më të njohura të Hollivudit u nda në vitin 2016, dhe divorci u finalizua më në fund në vitin 2024 pas një procesi të gjatë gjyqësor në lidhje me kujdestarinë dhe pronën.
Në një intervistë me Variety, rreth filmit "Couture", Jolie pranoi se një periudhë e vështirë ka kaluar pas.
"Mendoj se shpirti im luftarak më në fund është rikthyer. E humba për një kohë. Fëmijët e mi janë pothuajse të gjithë të rritur, kështu që tani duan që unë të udhëtoj nëpër botë, duan që unë të dal, të bëj gjëra. Ata më njohin më mirë se kushdo dhe ende më duan, gjë që thotë shumë", theksoi ajo.
Fituesja e çmimit Oscar zbuloi gjithashtu se në një moment kishte planifikuar të hiqte dorë nga aktrimi dhe t'i përkushtohej regjisë dhe punës humanitare. Megjithatë, rrethanat e çuan në një vendim tjetër.
"Papritmas, e vetmja mënyrë për të qëndruar më shumë në shtëpi, për të qenë larg për një kohë të shkurtër ose për të fituar mjaftueshëm para, ishte të kthehesha te aktrimi", shpjegoi Jolie.
