Për dekada me radhë, studiuesit janë përpjekur të kuptojnë se çfarë ndodh në tru që çon në zhvillimin e autizmit. Sot, falë përparimeve në biologjinë molekulare dhe ne neuroshkence ata mund të studiojnë zhvillimin e trurit njerëzor në laborator. Kjo qasje po ndihmon në zhvillimin e mekanizmave biologjikë që qëndrojnë pas këtij crregullimi neurozhvillimor.
Në vitin 2006, shkencëtari japonez Shinya Yamanaka prezantoi një metodë që rikthen qelizat e rritura në një gjendje të ngjashme me atë embrionale. Ky zbulim revolucionar krijoi bazat për studimin e sëmundjeve neurologjike dhe i dha një drejtim të ri kërkimeve mbi autizmin. Ky zhvillim revolucionar i hapi rrugën krijimit të qelizave burimore në laborator dhe transformoi kërkimet mbi zhvillimin e trurit.
Në laboratorë dhe universitetet kërkimore në mbarë botën shkencëtarët krijojnë organoide nervore, të njouhura dhe si mini-tru. Këto struktura nuk konsiderohen si një tru i vërtetë pasi nuk kanë vetëdije, por riprodhojnë disa nga fazat e hershme të zhvillimit të trurit njerëzor. Kjo u mundëson studiuesve të vëzhgojnë mënyrën se si formohen qelizat nervore dhe si ndikojnë ndryshimet gjenetike tek personat me autizëm.
Autizmi është një spektër i gjerë gjendjesh që shfaqen ndryshe te cdo individ. Duke analizuar organoidet e krijuara të personave me autizëm, shkencetarët po identifikojnë ndryshime të cilat shfaqen që ne fazat e para të zhvillimit të trurit. Këto njohuri mund të ndihmojnë në diagnostikimin me të hershëm, trajtime më të personalizuara dhe zhvillimin e terapive më efektive ne te ardhmen.
Edhe pse kërkimet vazhdojnë dhe shumë pyetje mbeten ende pa përgjigje, teknologjitë e reja po sjellin shpresë se misteri i autizmit do të kuptohet gjithnjë e më mirë. Çdo zbulim i ri i afron shkencëtarët drejt zhvillimit të metodave më efektive për mbështetjen e personave në spektrin e autizmit.
