Ishte ditëlindja e tij kur diçka më shumë u kuptua për çiftin e ri të showbiz-it shqiptar. 5 korriku, atëherë kur Fatma Methasani uroi me “Gëzofsh vetëm ditë me diell o recetë lumturie” Alfio Rrotanin ishte konfirmimi i një romance që kishte nisur pikërisht në vendin e punës. Alfio, me recetat e tij në InTv dhe Fatma me programin e saj rinor. Në korridoret e televizionit, aty ku shkëmbehen jo vetëm shikimet, kishte lindur një dashuri që u bë edhe publike pak kohë më parë.
Pas ditëlindjes së Alfios, të gjithë e mësuan çiftin e ri të showbiz-it shqiptar, por nëse të gjithë të tjerët, siç ndodh në këto raste, do t’i shihnit gjithandej, me Fatmën dhe Alfion nuk ndodh kështu. Shefi i kuzhinës është gjithmonë, edhe virtualisht, me Indritin, mikun dhe bashkëpunëtorin e tij në kuzhinë, ndërsa Fatma gjithmonë publikon pjesë nga programi i saj e më pak copëza nga jeta private.
Ndërsa sonte, kanë “thyer” rregullat. Një foto unike që nuk ka nevojë të komentohet. Një darkë, një çast, një gotë, një moment… kaq pak mjafton për të ndier lumturinë: “Po,po, lumturia është te gjërat e vogla”, – shkruan shef Alfio pas kësaj fotoje, e cila, si për të, me siguri edhe për Fatmën, është receta më e ëmbël që i sfidon të gjitha të tjerat e shefit të kuzhinës.
