Roza Lati nuk i përdor dorezat. Ajo nuk di t’i mbajë ato as në ekran, as kur në studio ka të ftuar “delikatë”, por as atëherë kur është vetë e ftuar për të dhënë opinionin e saj. Mjafton t’i vijë rasti, Roza nuk kursen as personazhet e njohur. Te qenit gjithmonë e hapur me publikun e ka bërë Rozën të krijojë edhe zënka ndonjëherë.

E tillë ishte ajo me Encën, këngëtaren e njohur, e cila, me sa duket, nuk e ka lënë konfliktin e krijuar me Rozën pak kohë më parë.

Pasditen e sotme, Roza ishte e ftuar në “Ftesë në 5” me Bieta Sulon, për të ndarë me publikun detaje nga jeta profesionale, ajo personale, por foli gjithashtu edhe për mosmarrëveshjet që ka pasur me personazhet e njohur.

Sa i përket zënkës dhe përplasjeve me Encën, moderatorja iu referua këngëtares sërish me statusin e “mbretëreshës së Instagramit që e ndjekin 12-vjeçarët”:

Ajo e ka marrë personale me mua, sepse unë ftova Trejsin dhe Trejsi dha komentin e saj kur e pyetën fansat… e ka inatin me mua, vetëm se unë e lashë në montazh, vetëm se e lashë në montazh turfullon uff e buff, por boll më, se tregon shumë frymë inferioriteti kështu”,- u shpreh Roza.