Mori fund! Kim Kardashian dhe komediani i njohur i "Saturday Night Live", Pete Davidson, i kanë dhënë fund historisë së tyre të shkurtër, pas nëntë muajsh.
Lajmin e kanë bërë publik mediat amerikane duke cituar burime pranë çiftit.
“Kanë shumë dashuri dhe respekt për njëri-tjetrin, por zbuluan se distanca e gjatë dhe oraret e tyre të punës e bënë vërtet të vështirë ruajtjen e një lidhjeje",- citohet një burim pranë çiftit, shkruan People.
Romanca e Pete dhe Kim filloi kur kjo e fundit, u bë moderatore për një natë e "Saturday Night Live", në tetor 2021.
Kardashian, në pritje të finalizimit të divorcit nga Kanye West, nisi historinë e re të dashurisë me Davidson, 28-vjeçar.