Pas 93 koncertesh në mbarë botën, Dua Lipa mbylli turin e saj “Future Nostalgia” në Tiranë, në një datë të shënuar si 28 Nëntori, dita e Pavarësisë. Për gati dy orë, ajo performoi në sheshin “Skënderbej” disa nga hitet më të mëdha, shoqëruar me super performanca, fjalë zemre por edhe lot.
Koncerti nisi me Elvana Gjatën e cila këndoi për të pranishmit disa nga këngët e saj më të suksesshme. E pas saj, u ngjit në skenë Dua.
Autorja e shumë hiteve ndryshoi disa herë veshjen e saj, duke u shfaqur fillimisht me një jumpsuit të argjend dhe të kuq. Si në hyrje, ashtu edhe në fund të koncertit Dua elektrizoi fansat teksa realizoi me duar shqiponjën dy krenare, simbolin e fuqishëm shqiptar dhe më pas vendosi mbi supe flamurin kuq e zi.
? | “And I’ll see you soon! Very soon!” — @DUALIPA whilst performing “Don’t Start Now” at #FNTourTirana (Via @dualiveontour) pic.twitter.com/01XUIIzUNw
— Dua Lipa Media | Fan Account (@STUDlO2054) November 28, 2022
Pas një pune kolosale dhe të lodhshme prej artistes dhe ekipit të saj, fundi i turit “Future Nostalgia” u shoqërua me lot nga Dua në sheshin ‘Skënderbej”.
Ajo falenderoi të gjithë shqiptarët dhe fansat e saj për suportin që i kanë dhënë, si edhe i uroi për festën e Pavarësisë: “Faleminderit shumë, urime 110 vjetorit të pavarësisë. Faleminderit për suportin, për energjinë që po na jepni sot. Kjo është nata e fundit e turneut, këtu sot përfundojmë në Tiranë me ju. Faleminderit shumë që jeni këtu”, u shpreh Dua teksa u përlot.
? | @DUALIPA speaking Albanian & wishing the crowd a happy independence day during her speech at #FNTourTirana tonight!
— Dua Lipa Hungary | Fan Account (@dlipahungary) November 28, 2022
“I want to take this moment, as this is our last FN show, to say thank you to everyone who made this possible. This has been a dream come true. I love you.” pic.twitter.com/3Z4iFzbDjM
Ajo gjithashtu dha një mesazh shumë të rëndësishëm gjithë konferencës për shtyp para koncertit. Ylli ndërkombëtar tha se duhet të ndryshohet stigma ndaj shqiptarëve, lidhur me përcaktimet raciste nga Sekretarja e Brendshme britanike, Suella Braverman, ndërsa vuri theksin edhe tek rëndësia e liberalizimit të vizave të Kosovës.
E pyetur nga gazetarët, ajo ka thënë se pas mbylljes së turit të saj ajo do të fillojë të merret menjëherë me albumin e saj të tretë, por ka shtuar se këtë e shikon si një periudhë pushimi, pasi nuk do i duhet të jetë më gjatë gjithë kohës në lëvizje.
? | @DUALIPA performing “Physical”, “Break My Heart”, “New Rules”, “Love Again”, “Cool”, “Be the One”, “Boys Will Be Boys”, “We’re Good”, “Good In Bed”, “Cold Heart”, “One Kiss”, “Electricity”, “Future Nostalgia”, “Levitating”, and “Don’t Start Now” at #FNTourTirana tonight! pic.twitter.com/XZvg0oiUw3
— Dua Lipa Media | Fan Account (@STUDlO2054) November 28, 2022