Një studim i ri sugjeron se të mësuarit e një gjuhe tjetër mund ta mbajë trurin më të ri dhe të ngadalësojë plakjen deri në 13 vite.
Sipas studiuesve, njerëzit që flasin 2 gjuhë e kanë trurin rreth 6 vite më të ri, ata që flasin 3 gjuhë rreth 7 vite, ndërsa ata që flasin 4 gjuhë deri në 13 vite më të ri.
Shkencëtarët matën aktivitetin e trurit te 728 persona dhe përdorën inteligjencën artificiale për të vlerësuar moshën neurologjike, duke e krahasuar më pas me një grup tjetër prej 144 personash me nivele të ndryshme të aftësisë gjuhësore.
Studimi tregoi se njerëzit nga vendet evropiane me aftësi më të mëdha gjuhësore kishin tendencë të plakeshin më ngadalë.
