Pas zyrtarizimit të lidhjes së tyre, DJ Geek ka hedhur një tjetër hap të rëndësishëm në jetën personale duke i propozuar për martesë partneres së tij, Olsa Berani, gjatë pushimeve në Maldive.
Propozimi romantik është realizuar më 12 prill, në një atmosferë intime buzë detit, mes një dekori të kuruar me detaje dhe një peizazhi përrallor. Lajmin e ka ndarë vetë Olsa, e cila publikoi në rrjetet sociale disa nga momentet më të bukura të surprizës, përfshirë edhe unazën me diamant që mori nga partneri i saj.
Në fotot e publikuara, çifti shfaqet duke shijuar jo vetëm këtë moment të veçantë, por edhe ditët e pushimeve në ishujt Maldive, prej nga kanë ndarë vazhdimisht copëza nga udhëtimi i tyre me ndjekësit.
Ky propozim vjen pak kohë pasi marrëdhënia e tyre u bë publike, duke vulosur kështu një kapitull të ri për çiftin. DJ Geek rikthehet edhe njëherë në qendër të vëmendjes, këtë herë jo për muzikën, por për një moment shumë personal, që duket se e çon historinë e tij të dashurisë drejt një etape më serioze.
