Një nga ngjarjet më të përfolura të kësaj vere pritet të jetë dasma e këngëtarit Klajdi Haruni, e cila ka nisur të tërheqë vëmendjen e publikut.
Vera e këtij viti pritet të shënojë një moment të veçantë në jetën e tij personale, pasi ai do të kurorëzojë dashurinë me partneren e tij në martesë.
Lajmi për këtë hap të rëndësishëm është bërë i ditur nga vetë partnerja e tij, Orgesa Haruni, gjatë një interviste në emisionin “Goca dhe Gra”, ku ajo ka ndarë edhe disa detaje rreth ceremonisë.
Ajo tha se dasma do të zhvillohet në muajin qershor, ndërsa zbuloi se edhe vetë Klajdi do të performojë në dasmën e tij.
Por, surpriza më e madhe lidhet me emrin e Flori Mumajesi. Orgesa tregoi se artisti do të jetë mes këngëtarëve që do të performojnë në dasmë, një lajm që ka ngjallur menjëherë interes tek publiku.
Prej kohësh, Flori Mumajesi është tërhequr nga jeta publike dhe daljet e tij janë bërë të rralla, ndaj pjesëmarrja në këtë dasmë shihet si një rikthim i veçantë, të paktën për një natë, për fansat që prej kohësh janë kuriozë të dinë më shumë për artistin.
