Në një intervistë ekskluzive me Ermal Pecin, aktori Akil Varfi ndau për herë të parë ndjesitë e tij rreth eksperiencës aq të diskutuar të tij tek “Ferma VIP”.
Mes shumë personazheve, Akili tregoi se lidhja e tij me Mimoza Ahmetin ishte e sinqertë që në ditët e para, duke shtuar se lidhja e tyre ishte një nga ato më të sinqertat brenda. Por, a fiton Mimoza Ahmeti?
“Për mua po, nëse do ta vendosja unë, po. Por, duke parë atë që më bënë mua, kam frikë se do t’ia bëjnë dhe Mozës. Mundet të mos e fitojë, nisur nga ajo që më bënë dhe mua”.
Loja e tij agresive u pa në rrjetet sociale si një tentativë për të imituar Luiz Ejlli, tentativë që për Akilin ishte një frikë.
“E kisha këtë frikë që mos thoshin se po bëj Luizin. Unë kam punuar dhe e dua shumë, s’kam asgjë me të. Por na bashkon dialekti, e folura. Nuk imitoja Luizin”.
